Atualità
Strada stlüta danter Börz y Antermëia por gaujia de n intervënt de prescia
Da incö, mertesc ai 16 de jügn cina en vëndres ai 19 de jügn dales 17.00 da sëra restará la strada provinziala 29 che coliëia Eores cun San Martin de Tor stlüta danter Antermëia y le Ju de Börz. Sön na trata de indöt 1,5 chilometri laora le Sorvisc Strades dla Val de Puster por ressané la strada.
La strada provinziala danter Eores y San Martin de Tor (SP 29) tl Comun de San Martin de Tor restará stlüta danter Antermëia y Börz cina en vëndres ai 19 de jügn dales 17.00 domisde. Cina en vëndres él poscibl da rové sön Börz por düc i veicui vëgn tres Porsenú (Lijiun/Eores). Tratan la stlüta dla strada él le Sorvisc Strades dla Val de Puster che efetuëia n ressanamënt de prescia che é nezesciar por gaujia dla situaziun dla strada.
rc
