Atualità
Dala Junta: Thomas Mathà é le diretur nü dl’Agenzia por i apalc
La Junta provinziala á nominé incö (ai 30 de jügn) Thomas Mathà sciöche diretur nü dl’Agenzia por i provedimënc y la verda di contrac publics de laurs, sorvisc y fornidöres. L’inciaria piará ia indoman dal 1 de lugio y ará na dorada de cinch agn. Thomas Mathà é sté cina sëgn le diretur dl Departimënt Sanité, Sport, Politiches soziales y Laur.
Incö, mertesc ai 30 de jügn, á la Junta provinziala nominé Thomas Mathà sciöche diretur nü dl’Agenzia dal 1 de lugio inant por la dorada de 5 agn. Sön la basa de süa formaziun y de sües esperiënzes söl laur á Thomas Mathà les competënzes y la profescionalité por ademplí les ghiranzes dla direziun dl’Agenzia.
Tl medemo momënt ne é Thomas Mathà nia plü le diretur dl Departimënt Sanité, Sport, Politiches soziales y Laur, chësta inciaria ti jará a Michael Mayr, che é sté cina sëgn le diretur dl Ofize Sorvisc Laur. Le diretur atual dl’Agenzia por i apalc, Paolo Montagner, sará le diretur nü dla Repartiziun Patrimone dla Provinzia.
rc
