Atualità
INVIT Surandada palestra d’arpizé a Bornech ai 31.07
En vëndres, ai 31 de messé dl 2015, dales 17.00, tl Zënter dles scores altes, strada Josef Ferrari 16 a Bornech, gnarál surandé ofizialmënter la palestra scolastica d’arpizada y bouldering K3 dai assessurs provinziai Christian Tommasini y Philipp Achammer.
L'arpizada sportiva é deventada ti ultimi agn n sport de tendënza por dötes les etés. Sëgn él a Bornech la palestra d’arpizada y bouldering scolastica K3 che podará gní adorada döt le de, sides por rajuns scolastiches che por ativités extrascolastiches dl tëmp lëde.
La strotöra nöia ti gnará surandada ofizialmënter ala seziun da Bornech dla Lia da munt dl Südtirol, a chëra che la junta provinziala ti á surandé la gestiun por i agn 2016-2025, dai assessurs provinziai Christian Tommasini (laurs publics) y Philipp Achammer (istruziun todëscia) tl cheder de na festa sön le program
en vëndres, ai 31 de messé dl 2015
dales 17.00
tl Zënter dles scores altes
strada Josef Ferrari 16, a Bornech.
Mëmbri dla Lia da munt fajará na desmostraziun pratica d’arpizada.
OSP
