Atualità
Dala Junta: plü lerch y revalorisaziun dl Museum Natöra
Renforzé le rode dl Museum Natöra sciöche zënter de inrescida y formaziun y mëte a desposiziun d’atres lercs sot tera ite por pité locai d’esposiziun nüs: chësc é le fin dla deliberaziun aprovada incö (11 d’agost) dala junta provinziala sön proposta dl assessur Florian Mussner.
Le Museum Natöra dl Südtirol ó ciamó n iade s’amplié y nia ma por ci che reverda i “mürs”. Ara se trata de n proiet inovatif y modern che pó dé d’atres poscibilités a na strotöra che ó deventé tres deplü n punt de referimënt por la inrescida y la didatica y che é lié al’aprovaziun dla junta provinziala da realisé lercs nöies por mostres y archifs ti locai sot tera ite dla strada Bottai 1, a Balsan.
“Cina sëgn él sté passa n miliun de porsones che é gnüdes a ti ciaré al Museum che é aprijé da inrescidus, studënc, jënt dl post y turisć- á splighé l’assessur Mussner. Les lercs che é bele dan man é bel plan massa püces por chësta strotöra y implü conzedess n ampliamënt da elaboré danü dal punt d’odüda tecnich y di contignüs la mostra permanënta che é oramai di agn ann ‘90”.
I intervënc d’ampliamënt, cun la restrotoraziun dl’alzada a tera, l’interpretaziun nöia di salfs d’esposiziun y la realisaziun de d’atri locai sot tera ite, se damana n investimënt de 4,8 miliuns de euro: i laurs gnará coordiná dai tecnics dla Repartiziun provinziala Frabiches y sorvisc tecnich.
OSP
