Atualità
Conferënza stampa sön l’assistënza di mituns ai 24 de setëmber
„Sorvisc d’assistënza por l’infanzia: ara vá ciamó da mioré“ chësc é le tema dla conferënza anuala sön la familia che vëgn organisada dal’Agenzia provinziala por la familia en jöbia ai 24 de setëmber sön le Ritten. L’assistënza di mituns y les oportunités desfarëntes sará insciö al zënter dl’incuntada dl’assessuria Deeg cun plü esperc internazionai.
L’Agenzia provinziala por la familia, la „Ciasa dla Familia“ (Haus der Familie) y le „Katholische Familienverband Südtirol“ organisëia na Conferënza sön la familia 2015 che gnará tignida
en jöbia ai 24 de setëmber dl 2015
dales 09.00 ales 12.30
tla sënta dla „Ciasa dla Familia“
a Lichternstern/Stella sön le Ritten.
Al gnará insciö debatü di sorvisc por la pröma infanzia, dl’assistënza tratan le domisdé y aldinfora di orars de scora. Le program prevëiga danteater ince l’intervënt dl’assessuria por la familia Waltraud Deeg y de plü relaziuns de esperc internazionai y la presentaziun dl bun funzionamënt dl’assistënza di mituns tl Comun de Eppan. Un di highlights dla scomenciadia sará ince l’intervënt en videoconferënza de Julis op de Beke, mëmber dla Comisciun europeica, che baiará dles formes d’assistënza por l’infanzia t’Europa.
rc
