Atualità
Dai 20 de jügn stlüta la linia Bornech-Sanciana, bus de sostituziun
Dai 20 de jügn cina ai 24 de lugio sará la linia feroviara stlüta danter Bornech y Sanciana por gaujia de laur. Al é preodü corieres de sostituziun.
Por gaujia di laurs de ressanamënc al’infrastrotöra da pert de RFI sará la linia feroviara dla Val de Puster danter Sanciana y Bornech stlüta da en lönesc ai 20 de jügn cina en domënia ai 24 de lugio. „Por ti jí adincuntra le plü che ara vá ales esigënzes di zitadins y pendolars él preodü n sorvisc de corieres de sostituziun che passa vigni mes’ora“, dij l’assessur por la mobilité Florian Mussner. Do le ressanamënt dles staziuns y dles incrujades l’ann passé él sëgn nezesciar da lauré sön les scines por „podëi garantí ince inant n sorvisc tres plü modern, efiziënt y che respetëies i standarg de segurëza plü alc“, insciö Mussner.
Insciö él gnü metü en pe n sorvisc de sostituziun cun corieres danter Bornech y Sanciana cun döes corieres che jará por iade. Al é preodü che les corieres fej les architades a Sanciana (staziun dla ferata), a Toblach (staziun dla ferata), a Niederdorf (plaza Von Kurz), Welsberg (architada Platzbäck), Olang (staziun dles ferates), Perhca (Ciasa de Comun) y Bornech (staziun dla ferata y via Bastoni). Les coinzidënzes cun Franzensfest y tl’Austria vëgn garantides.
Tratan l’isté él preodü, por le bun anuzamënt di ghesć dala roda, 6 coliamënc al de (te trames les direziuns) sön les corieres de sostituziun cun la poscibilité da tó para ince les rodes. Al se trata di iadi dales 9.31, 10.31, 11.31, 15.31, 16.31 y 17.31 da Bornech demez y dales 10.35, 11.35, 13.35, 16.35, 17.35 y 18.35 cun start a Sanciana. Le codejel cun dötes les informaziuns söi orars dles corieres de sostituziun é gnü injunté y gnará ince partí fora te dötes les staziuns dla ferata y assoziaziuns turistiches dla Val de Puster, de plü informaziuns sön: www.suedtirolmobil.info.
rc
