Atualità
Junta regionala, finanziamënc ales mendranzes lingustiches
La Junta regionala á aprové na seria de intervënc tles valades ladines cun contribuc a istituc y retüdes de spëises.
La Junta regionala s’á incunté incö danmisde, ai 21 de dezëmber, a Trënt por aprové na seria de mosöres proponüdes dal assessur por les mendranzes linguistiches, Giuseppe Detomas. La Junta á deliberé de plü investimënc danter l’ater al Istitut cultural ladin "Cesa de Jan" (75.000 euro), al Istitut ladin "Majon di Fascegn" (120.000 euro), al Kultuinstitut Lusérn (80.000 Euro), al Bernstoler Kulturinstitut (80.000 euro) y n contribut ales spëises al Istitut Micurá de Rü de San Martin de Badia (50.000 euro). La Junta cun a cé Arno Kompatscher á ince aprové investimënc por n valgügn intervënc tla sënta dla Musiga de Moena, por la recuperda dla Ciasa de la Monaria a Poza, por n orghe nü tla dlijia da La Ila y por la daurida dla galaria dla ferata a Santa Cristina. "Al se trata de mosöres – á dit l’assessur Detomas do la sentada – che desmostra l’impëgn dla Regiun da finanzié l’ativité de sostëgn ales mendranzes linguistiches che é n gran patrimone y n elemënt de identificaziun prezius de nosta tera."
USP
