Atualità
Abité y jonëza: döes sëres d’informaziun a Urtijëi y a La Ila
La Consulta di Jogn ladina organisëia döes sëres d’informaziun sön la chestiun dl Abité. La pröma ai 12/05 a Urtijëi, spo ai 09/06 a La Ila.
En colaboraziun cun i Sorvisc ai Jogn dla Val Badia, Nëus Jëuni Gherdëina organisëia la Consulta di Jogn ladina döes sëres de informaziun sön la chestiun che reverda i jogn y l’abité. Domandes, consëis y propostes sará la basa dles incuntades cun chëres che la Consulta oress inrescí la situaziun dl abité por i jogn dles valades ladines, mo ince mostré sö les poscibilités de finanziamënt y de alisiraziuns fiscales cun n'atenziun particolara al proiet dla CiasaClima. Düc i interessá é inviá a tó pert ales sëres de discusciun, la pröma gnará tignida
en vëndres, ai 12 de ma dl 2017
dales 20.00
tla sënta dl Zënter di Jogn „SAUT“
a Urtijëi.
Le pröm referat dala sëra sará dl vizediretur dl’Agenzia CiasaClima Ulrich Klammsteiner che rajonará dl proiet „CiasaClima“, spo dales 20.45 sarál le comerzialist Patrick Bergmeister che tratará la tematica „Finanziamënc y alisiraziuns fiscales“. Implü sarál ince presënt Nicholas Santini dla Consulta di Jogn taliana che rajonará dles vijites ai proiec de cohousing-coworking a Berlin y Milan. Cun na discusciun jará la sëra d’informaziun a piz.
La secunda sëra d’informaziun gnará tignida
en vëndres, ai 09 de jügn dl 2017
dales 20.00
tla sënta dl Zënter di Jogn „SaJ.uN“
a La Ila
cun daimpröma indô le referat dl vizediretur dl’Agenzia CiasaClima Ulrich Klammsteiner che rajonará dl proiet „CiasaClima“ spo dales 20.45 sarál le comerzialist Fortunato Verginer che tratará la tematica „Finanziamënc y alisiraziuns fiscales“. Ala fin él preodü na discusciun cun düc i interessá.
USP
