Atualità

Sanité / Sozial | 13.01.2004 | 15:01

Sanità: cuntribuc ala lies per l ann 2003

Usp – Nchin ai 2 de fauré possa lies che se da jù tl ciamp sozio-saniter, fé dumanda per n sustëni per l ann passà 2003. De chësc di lecorda l Ufize provinziel per i spediei.

Lies y associazions che lëura tl ciamp sozio-saniter vën sustenides dala Provinzia aldò de na lege provinziela dl 1977. (Lp nr. 2 dl 15.01.1977). L ie udù dant cuntribuc per l’atività y nvestizions, ma nce per spëises de trasport y de albierch per chëi che à abù traplanc de organs y per paralisei ala giames te strutures saniteres. L ultim di per de ite la dumandes de cuntribuc ie unì metù al 2 de fauré 2004. Chësta dumandes possa unides dates ju tl secreteriat dl Ufize provinziel per spediei, tla streda dla libertà 23 a Bulsan, tl VIII° partimënt. L numer de telefonn ie 0471-411 620. Nfurmazions ieda giapé danmesdi da Gabriele Gritsch che lëura tl VI° partimënt dla medema cësa. Si numer de telefonn ie 0471-411 638. Nce i formuleres ie da giapé tl medem ufize o scenò nce tl internet sun la plates dla Ripartizion per la sanità, sota www.provinz.bz.it/gesundheitswesen/formulare_d.htm

USP