Atualità
Finà cun l nunzié di cuntrac de lëur a mez tëmp pra l Ispetorat
Usp – Cuntrac de lëur a mez tëmp ne muessa nia plu unic dai ju pra l Ipetorat dl lëur dla Ripartizion provinziela per l lëur. Chësc duvier ie tumà cun la regulamentazion nueva dl lëur tres la riforma Biagi.
L Ispetorat provinziel per l lëur giapa di per di mo for truep cuntrac de lëur a mez tëmp. „Cun la riforma dl marcià dl lëur che ie ndrova da utober 2003, la cunesciuda riforma Biagi, ne ie chësc nia plu debujën“, spiega l diretëur de ufize Sieghart Flader. L ie n var per scemplifiché i lëures de aministrazion y per smëndrì la burocrazia. L diretëur de ripartizion Helmuth Sinn lecorda che i cuntrac de lëur a mez tëmp ne ie nia plu da mandé ite al Ispetorat dl lëur. L tleca nunzié l raport de lëur pra l Ufize per l lëur, avisa sciche l ie da fé pra i aurti cuntrac de lëur.USP
