Atualità
La proietazion dla Cësa di studënc a Urtijëi passa ala pert esecutiva
Usp – La Cumiscion tecnica dla Provinzia à dat pro l proiet de mascima per la Cësa di studënc a Urtijëi. Tl’ultima senteda da inier lunesc iel unit dat prò de ji inant cun la proietazion esecutiva per chësc frabicat tla streda Sotria, dlongia la Scola d’Ert a Urtijëi.
La Cësa di studënc ie dantaldut penseda per sculeies dla scoles autes a Urtijëi che vën da oradecà. L proiet de mascima ie inier lunesc, ai 2 de fauré unì udù de bon uëdl dala Cumiscion tecnica dla Provinzia. Nce sce n se damanda na lingia de cuestins tecniches che muessa unides tëutes n cunsciderazion tla proietazion esecutiva. L custimënt per chësc frabicat sarà aldò dl proiet de mascima de 4,4 milion de Euro.USP
