Usp – Pra truep ncrëujes tla provinzia se à l rundel mustrà sciche soluzion adateda per fe jì inant l muvimënt sun streda. Purempò iel trueps che ne te nia ite la regules. „La Ripartizion provinziela dl servisc per la stredes à perchël metu sù sun duc i rundei plu mpurtanc tofles nueves“ spiega l assessëur ala stredes Florian Mussner.
La tofles nueves lecorda che n muessa mpië la lum de indicazion canche n frunea ora dl rundel.Prinziplamënter dëssa l rundel mené inant y regulé l muvimënt di auti te ncrëujes. Sce l ne vën nia tenì ite la regules pona suzedl avisa l cuntrer. „Sce l ne vën per ejëmpl nia mustrà cun la lum de indicazion canche n va ora dl rundel, ne sà chël che ulëssa ite tl rundel nia sce l possa furné y aspieta perchël“, spiega Paolo Montagner, diretëur dla Ripartizion provinziela dl servisc per la stredes. L possa unì a sel dé n mpifamënt dl trafich ma nce situazions periculëuses sce l ne vën nia teni ite la regules tl rundel. La Ripartizion provinziela dl servisc per la stredes à per chësta rejon metù su tofles nueves pra i majeri rundiei. Chësta tofles lecorda de mpië la lum de indicazion canche n frunea ora dl rundel. Bele tl’Austria an fat de bona esperiënzes cun de tel tofles.
USP
Galaria dales fotografies
La tofles nueves lecorda che n muessa mpië la lum de indicazion canche n frunea ora dl rundel.
