Atualità
Ega sun Mont Sëuc y a La Val
Usp – Danter i proiec che ie unic tëui tres dai diretëures de ufize pra l’ultima senteda dla Cumiscion de valutazion dl dann ambientel iel nce n proiet sun Mont de Sëuc y tl Chemun da La Val. Tramedoi proiec à dan fé cun resservares dal’ega.
L ressservar dal’ega che fova unì udù dant sun l Col dal Spiedl sun Mont Sëuc unirà fat mënter. La Cumiscion de valutazion dl dann ambientel à udù de bon uëdl l proiet de varianta. L lech Spescia tl Chemun da La Val dëssa giapé n mplant nuef che ti porta l’ega, nsci l bënsté dla Cumiscion. Dlongia la streda ora per i prei uniral fat calons dal’ega per na lunghëza de 1600 metri. L ie udù dant doi resservares dal’ega. „L resservar dal’ega da bever unira fat per 27 metri cubich y chël dal’ega n cajo de meldefuech de 168 metri cubich“, spiega Walter Huber, diretëur dl’Agenzia provinziela per l ambiënt.USP
