Atualità
Dat prò de ngrandì la utia sun Col Alto
Usp – La Sgonda Cumiscion provinziela per la defendura dl’ambient à pra si senteda da ncuei, merdi 16 de merz a Bulsan, tëut tres l proiet per na utia da mont tl Chemun de Corvara y na sgonda tl Chemun de Partschins.
Pra la utia „Ferrante“ sun l Col Alto dëssel unì ngrandì la ustaria. L unirà frabicà pro n toch ala cësa y stazion dl lift dai stuei a n’autëza de 1980 metri. La II. Cumiscion per la defendura dl’ambient à dat pro l proiet presentà dala sozietà „Sicovie Ladinia AG“. La sezion dl CAI de Maran à mandà ite n proiet per n mplant a surëdl per la utia Lodner tla grupa Texl, tl Chemun de Partschins. L mplant nuef sun la utia a n’autëza de 2.259 metri purterà n majer sparani de energia. La Sgonda Cumiscion provinziela per la defendura dl’ambient ie stata a una cun l proiet. A chësta maniera ne saral tl daunì nia plu da audì la fuera i agregac a motor per fé strom.USP
