A una per la cësa di studënc a Urtijëi y la scolina a Eppan
Usp – L proiet definitf per la cësa di studënc a Urtijëi y l proiet esecutif per la scolina nueva a St. Michael/Eppan à giapà l bënsté dala Cumiscion tecnica dla Provinzia.
L model dla cësa per studënc a Urtijëi.A Urtijëi ulëssa la Provinzia fé na cësa per i studënc tla streda Sortia, dlongia la Scola d’Ert. L proiet vëija dant 16 majons da doi per studënc y cin majons singules per nsenianc che dëssa giapé lerch dal prim al terzo partimënt. Bas ite ulëssen fé na mensa per 66 persones y sota tiera n garasc cun 15 lueges.
L proiet definitif cun na spëisa ududa dant de 4,4 milion de Euro ie unit dat pro dala Cumiscion tecnica provinziela. Sën passa l proiet ala mans dl Chemun per n si bënsté. Depona pudran ji inant cun la proietazion esecutiva.
A una ie la cumiscion nce stata per l proiet dla scolina nueva a St. Michael tl Chemun de Eppan. Tlo iel unì dat l bënsté sun l proiet esecutif. La spëises de 5,1 milion de Euro ie unides valutedes adrët per chesc proiet.
