Atualità
La streda dla Val Badia resta sareda per rejons de segurëza
Usp – I tecnics respunsabli y i rapresentanc dla firma che lëura per la streda nueva dla Val Badia à ncuei merdi, 6 de auril valutà la situazion atuela di lëurs y de segurëza. Gran dificulteies cumporta al mumënt la cundizions metereologiches. Na grupa de vint esperc analisea y segurea sën l crëp pra la streda. Ntan Pasca resta la streda dla Val Badia desareda.
Dan doi enes iel unì jù na smuëia dan l terzo tunel. La streda dla Val Badia à te chëla ucajion resc messé unì dsareda. Do la minonga di geologhes porta la cumposizion dl sas y i mudamënc de temperatura cun l dlacé y desdlacé a na fazion espolosiva che fej muever l rone. N se à ntendù che chësc raion smuëia inant y perchël iel stat debujën de majeri pruvedimënc de segurëza. Da n vënderdi ai 9 de auril 2004 uniral metù man a stlupeté ora per fé unì ju l material. Na grupa de vint esperc analiseia l crëp per pudëi pona mëter su rëies de prutezion. Davia che la segurëza à te chësc cajo la majera priorità à l assessëur ala stredes Florian Mussner dat la urdenanza de saré la streda ntan Pasca nchin bonamënter ai 24 de auril 2004. L Assessëur lecorda che i lëures va mpò inant nchin al sgondo tunel y ne vën nscì nia fermei.USP
