Atualità
Azion de mediazion per personal ntan l instà
Usp – N proiet particuler per la mediazion de personal dal Deutschland per la sajon da instà tla gastronomia dl Südtirol vën metù a ji tla Scola prufesciunela "Savoy“ a Maran. L fin de chësta scumenciadiva nueva dl 3 y 4 de mei 2004 ie chël de ti mëter a ji a dut l personal nteressà n cuntrat de lëur cuncret y ala firmes nteressedes la jënt che i chier.
Nce ti uedli dl’assessëur cumpetënt Luisa Gnecchi ie chësta drët na bona scumenciadiva metuda a ji n culaburazion danter la Ripartizion per l lëur, l HGV y l’Agenzia per l lëur de Berlin-Brandenburg. Per l’economia dl Südtirol ie chësta na bona ucajon per testimunié che n à nteres a lauranc cualifichei dl paeijes da UE, à dit Gnecchi. 30 persones cualifichedes vën tres chësta scumënciadiva tl Südtirol per abiné n lëur ntan la sajon da instà. Tlo se tratl de cueghes, chelner y fanceles cualifichedes. Per l domesdì dl 3 de mei nvieia la ripartizion per l lëur duc i patrons de firmes nteressedes a unì tla scola prufescionela „Savoy“, tla streda Rätia a Maran. Tlo pudrai fé al savëi ce personal che i chier, to su n prim cuntat cun la persones y nce bele sotscì l cutrat de lëur. Firmes nteressedes che ulëssa fé pea chësta scumënciadiva muessa se lascé nuté sù tl ufize per l lëur a Maran, plaza Sand 10. La persones de cuntat per nfurmazions plu avisa ie Luisa Job (telefonn 0473-252 300) y Karl Zerzer (telefonn 0473-252 304). L diretëur dla Ripartizion per l Lëur Helmuth Sinn ie de bona che chësc proiet che vën metù a ji l prim iede tl Südtirol ebe suzes. L’esperienza che ie unida fata te autri paejes dl’Europa mostra che 90% dl personal giapà nsci da lëur. Na bona cuota de mediazion sarà nce l pont che lascerà ji inat cun chësta scumenciadiva tl ani che à da unì.USP
