Atualità
Dumandes de suvenzion per la pension dla ciasarines nchin ai 30 de auril
USP - Ciasarines che uel paië ite de si bona per la pension per arjonjer i ani damandei, possa nchin ai 30 de auril damandé n aiut dala Region. Nsci vëniel fat ala savëi dal Ufize provinziel per preudënza soziela ntegrativa.
La suvenzion ie de 1.187,68 Euro, tl cajo che ntan l 2003 iel unì paià ite almanca 2.375,36 Euro per la pension. Te d’autri caji ie la suvenzion n relazion mëndra. D’autra cundizions per giapé la suvenzion ie la residënza da trëi ani te n chemun dla region Trënt – Bulsan, l tenì se sì cësa cialan sun si mutons o sun zachei de familia che à debujën de cures, deguna segurazion soziela y l vester de majera età. Nfurmazions sëuraprò ie da giapé tl Ufize provinziel per preudënza soziela ntegrativa al numer de telefo vërt 800-018796 y pra l patronat. Mplù iel nce da pudëi cialé do tla plates tl internet dla Provinzia sota www.provinz.bz.it/vorsorge.USP
