Atualità
La cunvenzion sun l tunel dl Brëner vën sotscrita a Viena
USP – Duman da sëira, vënderdi 30 de auril uniral a Viena sotscrì l protcol nternaziunel danter l’Austria y la Talia per fé l tunel y la linia dla ferata nueva dl Brëner. L preisidënt dla Provinzia Luis Durnwalder sarà ënghe presënt.
Per l’Austria saral l minister al trasport Hubert Gorbach a sotscrì l documënt mpurtant, per la Talia l minister per la nfrastrutures Pietro Lunardi. Per l cerimonia de sotscrizion dl cuntrat n vënderdi domesdi dala 18.00 tla sënta dl’ ambasciata taliana a Viena, Cësa Metternich, ie nce nvià l presidënt dla Provinzia Luis Durnwalder. Tla cunvenzion se mpënia la Talia y l’Austria de sustenì deberieda l frabiché de strutures che va debujën per la realisazion dl tunel dla ferata sota l Brëner. Tl cuntrat vëniel rujenà dl trasport de marcanzia y de persones che dëssa pudëi mëter man al plu tert tl 2015. L documënt de undesc articuli regulamentea la pert dla proietazion nchin a canche pudrà furné la ferata nueva y l finanziamënt dl proiet.USP
