Atualità
Les ciases di parcs naturai tla Val Badia y tla Val de Puster é indô daverc';
USP - Les ciases di parcs naturai de Al Plan de Mareo, Toblach y Sand in Taufers é da incö inant davertes al publich y se mirita na vijita. Le gran monn dla natöra di parcs naturai pò chilò gnì esploré tl pice. Ai vijitadus che é al pröm contat cun i parcs, dà chëstes strotöres na pröma vijiun de ci che ai odarà defora tla natöra. Esperc; à la poscibilité da aprofondì sües conoscënzes y ai pici mituns ti vëgnel ofrì divertimënt y jüc;.
I responsabli dl’Ofize provinzial por i parcs naturai se lascia tomè ite de vigni sort: i aredamënć vëgn modà jö, atualisà y miorà. Tla ćiasa dl parch a Toblach vëgnel prejentè n model nü dl raiun de vita tles munts. A Sand in Taufers à le ćiantun di mituns n microscop nü. Dlungia mostres, films y ativitês desvalies por mituns ciàfun tles ćiases di parcs biblioteches riches de libri sura la fauna y flora dla natöra incër nos ia, sura la cultura y l’ecologia. Implü ofrësc l’organisaziun dles ćiases di parcs naturai deplü iniziatives spezifiches, sciöche le domisdé por mituns y families cun escursciuns combinades cun jüć. Chëstes iniziatives dess avëi l’obietif dl’informaziun mo inće de divertimënt. Na proa che le tru dal zënter di vijitadus ala realté dla natöra po ester dër cört, ciafunse a Toblach, olache atira dlungia la ćiasa dl parch ciàfun le proiet “WaldWunderWelt” (bosch ,morvëies, natöra”), n zënter de jüć y informaziuns sura le bosch. Les ćiases di parcs naturai a Toblach, Sand in Taufers y a Al Plan de Mareo é davertes dai 4 de mà ćina ai 30 de otober dal mertesc ala sabeda dales 9.30 ales 12.30 y dales 16.00 ales 19.00. De messè y agost sarà i zëntri di vijitadus daverć inće de dumënia. L’entrada é debann.Por avëi informaziuns plü avisa pon cherdè sö diretamënter: la ćiasa dl parch natural a Al Plan de Mareo 0474/506120, chëra de Toblach: 0474/973017, la ćiasa dl parch natural a Sand in Taufers: 0474/677546. Implü pon s’informè tres la plata internet www.provinz.bz.it/naturparke
USP
