Atualità
Lëures fërmes a Pruca do avëi abinà repec archeologics
USP – Ntan i lëures pra la stredes a Pruca an tl’ultima ena abinà reperc archeologiches de gran valor. Sën vëniel analisà plu avisa la situazion. Per la fin de juni 2004 fejen cont de pudëi finé i lëures pra la streda.
„I lëures pra la stredes a Pruca ei finei al 95 percënt, l mancia me plu vel adatamënt pra la nfrastrutures, la canalisazion, l sotpassaje y la plazes dai auti pra la stazion dla ferata“, spiega l assessëur Florian Mussner. Ntan i lëures pra la canalisazion sun l toch de streda de viers de Ciastel iel unì abinà pertes de n vedl nridlamënt, n toch de streda mantenì drët bën, pec de ceramica, massaria, muneides d’or y arjënt ma nce na plata de marmor cun na scrita per latin. Aldò dl diretëur dl Ufize bëns archeologics Lorenzo Dal Ri vëniel sën giavà ju doi metri sot, sun na spersa de 360 merti cuadrac. Aldò de Dal Ri se tratla tlo de n nridalmënt dl tëmp di romani danter l sesto y l prim centené dan Gejù Christ. I pec che n à abinà mostra su che Pruca fova n luech ulache l univa marciadà y che possa sën deventé n gran arichimënt per l luech. Sën vëniel n iede analisà l raion y per chësta rejon possa i lëures permò ji inant ala fin de mei. Per la fin de juni 2004 fejen cont de pudëi finè i lëures.USP
