L assessëur Mussner tën dur sun l paiamënt di proietanc
USP – L assessëur ai lëures publics Florian Mussner se à ncuei mierculdi, 19 de mei, ancuntà cun rapresentanc di architec, ingenieres, geometri y agronomes per rujené sun l paiamënt de proiec per lëures publics. La Jonta Provinziela à per chisc caji da permò dat ora n regulamënt nuef cun chël che i proietanc ne nie nia a una. L assessëur Mussner à detlarà de ulëi tenì dur pra l sistem de calculazion nuef.
L assessëur Mussner ntan la senteda cun i rapresentanc di proietanc.„L paiamënt per prufesciunisc’ che fej proietazions de lëures publics dëssa resté nscì sciche l ie da permò unì regulamentà da pert dla Jonta Provinziela tres l decret dl Presidënt dla Provinzia dl 25 de merz 04, nr 11“ nscì la minonga de Mussner. Te un n pont iesen a una de marciadé. Chësc reverda l suplemënt per proietanc generei, che possa tres l regulamënt nuef nce nia unì paià. Sun l smëndrì de chësc paiamët possen mo rujené. „L ie sën i rapresentanc di proietanc che muëssa purté prupostes, ma la soma ududa dant per la spëises muessa resté unfat“ à sorissà Mussner. Sun duc i autri ponc iel bele unì rujenà apuntin cun i rapresentanc di architec, ingenieres, geometri y agronomes. „I proscimi vares purterà de viers dla liberisazion“ à dit la assessëur ai lëures publics. Ala senteda ie deberieda cun l assessëur Mussner nce unì l diretëur de dipartimënt Josef March y l diretëur dl Ufize provinziel per apalc Georg Tengler. I ingenieres ie unic rapresentei da Claudio Sartori y i architec da Michele Stramandinoli y Massimo Pillotto. Per i geometri ie unic Rotraud Wittig y Renzo Andreasi ala senteda, deberieda cun Alessandro Melchiorri, rapresentant di agronmes y Franco Zanotto di igenieres ndustriei.
Pra n’autra ancuteda de juni avrà i rapresentanc dla cameres di prufescionisc’ ucajion de purté dant prupostes per regulé l suplemënt di proietanc generei.
USP
Galaria dales fotografies
L assessëur Mussner ntan la senteda cun i rapresentanc di proietanc.
