Atualità
Tëmp plu lonch per de jù contes di dutores spezialisei
USP – Da ncuei 9 de juni vel na regluamentazion nueva n cont de dé jù contes y notes d’unorar per prestazions de dutores spezialisei o dutores dai dënz ai Servijes saniteresc. La Jonta Provinziela à da permò adatà l tëmp te chël che n muessa de jù chësta contes a l tëmp udù dant te caji sce n muessa sté plu dis te n spedel. Per duta la prestazions privates vel da sën inant n tëmp de siesc mëns per dé ite la conta.
Per prestazions privates de dutores spezialisei o dutores dai dënz vel da ncuei, 9 de juni , l tëmp de 6 mënsc per dé jù la contes o la notes d’unorar. Nchin da permò valova l tëmp de 60 dis dala data dla conta per pudëi les de jù pra i Servijes saniteresc. La mudazion ie stata debujën per adaté l tëmp de de jù la contes per prestazions de dutores spezialisei o dutores dai dënz al tëmp udù dant per i caji che se damanda plu dis te n spedel.USP
