Diplomes per 96 maestri de schi y dirijënc de scola
USP – Do na preparazion ntensiva y n ejam pratich y de teoria dut auter che saurì à 96 maestri de schi y snowboarad , y dirijënc de scola pudù pië do si diplomes. Inier medri, 15 de juni, à l assessëur Thomas Widmann sëurandà i diplomes tla cësa provinziela Widman a Bulsan che ti dà l mesun de zapé ite te si leur ntan l proscimo d’inviern.
96 maestri de schi, snowboard y dirijënc de scola à giapà l diplom a BulsanNdut 90 dis ntan i doi ani à durà l curs per i 56 maestri de schi, 27 maestri de snowboad y i 13 dirijënc dla scoles. La furmazion ie unida metuda a ji dala Camera provinziela di maestri de schi sun ncëria dl Ufize provinziel per l alpinism. L sculé plu cunesciù ie stata l’atleta de Copa dl Mond Nicole Gius. La cumpëida di cumëmbri dla camera provinziela di maestri de sci ruva sën a 1.652 maestri de schi, 211 maestri de snowboard y 145 maestri de podejé. L sëurandé di diplomes ie unì tenì n presënza dl assessëur per l alpinism Thomas Widmann y dl assessëur Hans Berger, tramedoi nstësc maestri de schi. Mancë ne pudova sambën nia l presdidënt dla camera di maestri de schi Hugo Reider y l diretëur dl Ufize per l turism Wolfgang Grosslercher cun i rapresentanc dla camera, dla cumiscion de ejam y i istrutëures.
N rengraziamënt particuler ti ie da pert dl assessëur Widman jit a duc chëi che à se à tëut sëura de fé duta la furmazion. Sorissan la mpurtanza dl bon livel dla frumazion per i maestri de schi, à Widmann nce lecurdà si servisc ala jënt y ai turisć dajan inant la legrëza al sport y ala natura. L presidënt dla camera di maestri à dit che si frumazion ie danter la miëures che ie y l ejam drët rie ie nce na garanzia de cualità per la scoles de schi. La Provinzia se à cruzià de mënter a ji la nfrastrutures y l material didatich per i maestri de schi.
Lista di maestri de schi y snowboard, y di dirijënc nueves.
USP
Galaria dales fotografies
96 maestri de schi, snowboard y dirijënc de scola à giapà l diplom a Bulsan
