Atualità
Asseniazion dla ncëries per maestri tla scola ladina
USP - L termin per stlu jù i cuntrac de lëur per la stieres nia de rodul y per l asseniazion dl ncëries liedies tla scoles ladines toma n mierculdi che vën ai 4 de agost a Bulsan.
Tla sënta dla Ntendënza Ladina, tla streda Binder 29 a Bulsan, uniral ai 4 de agost fat via i cuntrac per la stieres nia de rodul y la stieries mo da curì sun basa dla graduatoria permanënta per l proscim ann de scola. Dala 9 danmesdi uniral partì ora la ncëries per la scoles elementeres y dala 9.30 la ncëries per la scoles mesanes y autes. Per la scola mesana se tratla tl medemo tëmp per la tlasses de cuncors per la materies talian, conc, ladin, nglëisc y educazion tecnica. Dadedò uniral jit inant cun la scoles autes per la materies talian, storia dl’ert, leteratura tudëscia, conc y fisica. Ala fin unrà mo tratedes duta l’autra tlasses de cuncors.USP
