Atualità

Scora / Cultura | 29.07.2004 | 14:22

Assegnazion di posc’ ales maestres y assistëntes tla scolina ladina

USP – N lunesc ai 2 de agost uniral tla direzion “Ladinia“ dla scolines ladines a Urtijëi sëurandat 32 stieres ala maestres y assistëntes dla scolines de Gherdëina y dla Val Badia per l ann de scola che vën. La maestres y assistëntes ie nviedes per la 9 y la 10 danmesdì.

La ncëries de lëur tla scolines ladines che nie ie nia bele unides sëurandates tres n trasferimënt, unirà n lunesc ai 2 de agost sëurandates a maestres y assisstëntes per l ann de scola 2004/05. Dala 9 danmesdi ie n iede cherdedes la maestres y pona dala 10 danmesdi inant l’assistëntes. Chësc ie l prim iede che l’asseniazion di posc´ dl personal dla scolina vën fata tla direzion zënza messei ji a Bulsan. Sëuraprò vën l asseniazion nce fata tres n sistem de lita per l prim iede diretamënter tres computer. Ndut uniral sëurandat 18 posc´ per maestres, 6 de chisc a mez tëmp y 14 a assistëntes (7 a mez tëmp). La suplënzes plu curtes unirà sëurandates plu tert, nsci sciche i posc´ per la secudiëntes, che cëla di mëndri andicapei, zënza titul de studi. La maestres y assistëntes ladines ie nviedes n lunesc ai 2 de agost tla direzion “Ladinia“ dla scolines ladines, streda Sotria, a Urtijëi.

USP

Galaria dales fotografies