Atualità
Presentazion nueva dla ripartizion dl personal tl internet
USP – La presentazion dla Ripartizion provinziela dl personal tl internet ie unida fata da nuef n cont de grafica y de cuntenut. Sun la plates fates da nuef iel da abiné nfurmazions sun la puscibiliteies de lëur, stieres liedies tla Provinzia, dumandes, graduatories, cuncorsc de lëur y l regulamënt de personal. L assessëur per l personal Thomas Widmann ie dla minonga che sce n adrova bën la tecnologies nueves possen arjonjer n mieur cuntat cun la populazion y smendrì la burocrazia.
Da dut l mond possen udëi la presentazion nueva dla Ripartizion provinziela dl personal sun la plates provinzieles tl internet. L lëur de renuvamënt stiza sun la basa dl proiet "Webpage" che à cun l publiché dla plates nueves stlut jù si prima pert. La nfurmazions dla plates nueves ie pensedes dantaldut per la populazion che ne lëura nia, mo nia o nia plu per la Provinzia. Te n sgondo mumënt uniral mo laurà ora nfurmazions plu avisa per l personal dla Provinzia, che n ti ruverà me permez tres l sistem intern. Tla terza y ultima pert uniral metù n drova l E- Government. Te chësta pert uniral dat la pluscibltà de dé ite dumandes y dumandes de lëur diretamënter online. La presentazion nueva dla Ripartizion provinziela dl personal ie da abiné tl internet sota www.provinz.bz.it/personal.USP
