Atualità
Sconanza dla contrada: Bëgnstè por i proiec tl Comun de Mareo y de Corvara
Arac positifs da pert dla IIª Comisciun provinziala por la sconanza dla contrada por i proiec de costruziun de strades tl Comun de Mareo y de realisaziun de na deponüda por i ros dl implant da fà nëi tl Comun da Corvara.
Tla sentada da en mertesc à la IIª Comisciun provinziala por la sconanza dla contrada cun a će Adriano Oggiano, diretur dl Ofize provinzial por la sconanza dla contrada, tut en conscidraziun na ligna de proieć, danter chisc inće cater proieć por la sistemaziun de strades tl Comun de Mareo. Un de chisc proieć à da fà cun le coliamënt dl raiun d’ampliamënt “Pincia de Calogna II” ala strada bele esistënta y i atri reverda le mioramënt dla strada da ti rové pormez ales viles de Fordora, Val dla Tor y Brach. Implü él inće gnü dè le bëgnstè por la realisaziun de n post por lascè jö i ros dl implant da fà nëi dla sozieté “Sciovie Pralongià Srl” tl Comun da Corvara. Chësc post de deponüda gnarà realisé dlungia la pista Planac; chilò gnarà i ros lascià jö tratan i mëisc olache ai ne vëgn nia adorà.USP
