Le Departimënt por la Cultura ladina programëia ciamò val' sëres de leteratöra
Tratan les edemes che é stades à tröpa jënt interessada tut pert ales sëres de letöra y discusciun cun auturs ladins y esperc fora dl monn leterar ladin metüdes a jì a Urtijëi y a La Ila. Le Departimënt por la Cultura ladina che à organisé chëstes sëres de leteratöra se desmostra contënt dl suzès arjunt y programëia porchël ciamò val’ sëra de leteratöra ladina.
Sëra de leteratöra cun Frida Piazza, David Lardschneider, Roland Verra, Waltraud Mittich und Brunamaria Dal Lago Verneri (FOTO:USP)Les sëres de leteratöra ladina metüdes a jì a La Ila y a Urtijëi é gnüdes animades da n barat de minunghes scialdi vi y costrutif danter i auturs ladins desvalis y i interessà de leteratöra. Tratan la discusciun inviada ia a Urtijëi él inće gnü rajonè dla faziun dla leteratöra ladina fora dles valades ladines. Waltraud Mittich y Brunamaria Dal Lago Veneri, che à tut pert ala mësa torona a Urtijëi à sotrissé le bojëgn de sostignì la leteratöra ladina inće tl cërtl leterar de Südtirol.
L’Assessur ladin Florian Mussner ti dà na gran importanza a chësta sort de manifestaziuns por valorisé la leteratöra ladina. „Por promöie l’interès por la leteratöra ladina vëgnel programè de mëte a jì inće tl dagnì de te’ manifestaziuns“ à impormetü Mussner.
USP
Galaria dales fotografies
Sëra de leteratöra cun Frida Piazza, David Lardschneider, Roland Verra, Waltraud Mittich und Brunamaria Dal Lago Verneri (FOTO:USP)
