Atualità
Strada dla Val Badia daverta tratan i mëisc da d’invern
Tratan i mëisc da d’invern gnarà la strada dla Val Badia indô daverta a döt le trafich; chësc bele da indoman, jöbia ai 16 de dezëmber 2004 cina ai 28 de merz 2005. I laûrs de costruziun dla strada va inant aladô dl plann preodü.
Sön la strada dla Val Badia vëgnel atualmënter laurè dassënn. Tratan i mëisc che é stà à passa cënt lauranć laurè pro chësc areal de costruziun. Por gauja dles condiziuns dl tëmp cröde da d’invern laurarà i lauranć tratan chësta sajun dantadöt ti tunì. Porchël po la strada dla Val Badia gnì daverta al trafich sciöche al é bele gnü fat ti agn da denant. Dai 16 de dezëmber 2004 ćina ai 28 de merz 2005 podarà insciö düć i veicui se jovè dla statala dla Val Badia zënza messëi tó les strades panoramiches.USP
