Atualità
Sëres d’informaziun sön la reforma dla scora a Urtijëi y a La Ila
USP - Ai 4 d’aurì 2005 a Urtijëi y ai 5 d’aurì 2005 a La Ila rajonarà l’assessur Florian Mussner y l’intendënt Roland Verra sura la reforma dl sistem scolastich tles scores elementares y mesanes ladines.
Proscima edema podarà i geniturs dles scolares y di scolars dles valades ladines se fà na idea de ći ch’al mudarà cun la reforma dla scora tles scores elementares y mesanes ladines. L’assessur Florian Mussner y l’intendënt Roland Verra jarà ite plü avisa sön les mudaziuns por les scores ladines aprovades dala Junta provinziala y respognarà ales domandes di geniturs. Düć i geniturs é dër bel invià ales incuntades che gnarà tignides en lönesc, ai 4 d’aurì 2005 dales 20.30 tla aula magna dla scora elementara a Urtijëi y en mertesc, ai 5 d’aurì 2005 dales 20.30 tla aula magna dla scora mesana da La Ila.USP
