Atualità
-
Inaugurada la mostra sön la stüa tla Val Badia tl Museum Ladin
La stüa, che é stada secui alalungia la ćiamena prinzipala dla ćiasa tles valades ladines y te döt le Tirol, é la protagonista dla mostra temporana “Le cör dla ćiasa - La stüa tla Val Badia”, inaudada incö, vëndres ai 18 de messè dl 2014, tl Museum Ladin Ćiastel de Tor a San Martin de Tor dal assessur provinzial por la cultura ladina y i museums Florian Mussner y dal diretur Stefan Planker.
-
21/07: Daurida dl Zënter de Documentaziun sot le Monumënt dla Vittoria
En lönesc, ai 21 de messè, vëgnel daurì le Zënter de Documentaziun sot le Monumënt dla Vittoria a Balsan. Al sarà presënć tratan la daurida le Minister por la Cultura Dario Franceschini y le Presidënt dla Provinzia Arno Kompatscher.
-
Ressanamënt dla staziun de Pruca: Salf da aspetè stlüt por trëi dis
Da püch à metü man i laûrs de ressanamënt dl frabicat olache al é inće da ciafè la staziun dla ferata de Pruca. Por gaujia de intervënć interns ai locai, resta le salf da aspetè stlüt por trëi dis. Insciö ne saràl gnanca poscibl da avëi azes al automat dles chertes.
-
Unificaziun Zentrala Viabilité y Zentrala Mobilité: Invit conferënza stampa
Cun la fin dl mëis gnarà i sorvisc d’informaziun dla Zentrala Viabilité y dla Zentrala Mobilité unificà por amplié y miorè la comunicaziun cun i zitadins. Chësta modaziun y inovaziun gnarà presentada ai 25 de messè.
-
La Rëi Zivica vëgn organisada danü: i zitadins à la parora ćina ai 22/07
Trasparënta, saurida da lì y da capì: insciö é la Provinzia de Balsan che ô se presentè tl dagnì sön internet. Le prozès de reorganisaziun y de recostruziun dla Rëi Zivica à bele metü man y va inant tresfora: düć i utënć po fà para ćina en mertesc ai 22 de messè.
-
„No Credit“- Aziuns de sensibilisaziun inće chësta fin dl’edema
Formè cosciënza por rovëne cun segurëza y do les regoles stradales: Inće chësta fin dl’edema (ai 19 y ai 20 de messé) vëgnel organisé aziuns de sensibilisaziun por i motoziclisć sön i jus dles Dolomites.
-
"De Beles Desdrütes“: Mostra de fotografies da odëi al Museum Natöra
Les fotografies plënes de corusc dl fotograf american J Henry Fair pê te na pröma odlada composiziuns de ert astrata. Al é indere documentaziuns tristes dla desdrüta dla contrada y dl ambiënt. “De Beles Destrüdes” (Schöne Verwüstung) à inom la mostra che é da odëi tl Museum Natöra Südtirol a Balsan ćina ai 14 de setëmber.
-
Düc i comunicac stampa dl'Aministraziun provinziala
Dötes les noeles plü importantes pon ciafé tlican sön: http://www.provinzia.bz.it/news/la/news.asp
-
Mostra sön les costelaziuns dai 19 de messè inant tl Planetarium Südtirol
Les costelaziuns y sües posiziuns tl firmamënt: chësta é la tematica de na mostra che vëgn daurida en sabeda, ai 19 de messè, tl Planetarium Südtirol tla Val d’Ega. La storia y les conëscenzes astrologiches sön le monn mitologich dles stëres po gnì vijité debann ćina ai 24 de agost.
-
Mussner incunta le Comitê dl Motor Sport: segurëza y Safety Park
Strotöres por alenamënć, segurëza y les competënzes istituzionales y le desturb acustich tl Safety Park: Chëstes les tematiches prinzipales dl’incuntada danter l’assessur por la mobilité Florian Mussner y le Comitê dl Motor Sport dl Südtirol.