Atualità

USP - Le Südtirol à na Junta provinziala nöia. Incö domisdé (ai 16 de jenà) à le Consëi provinzial lité le grup de govern proponü dal Presidënt dla Provinzia de Balsan Arno Kompatscher. La Junta provinziala nöia é metüda adöm dal presidënt dla Provinzia, döes assessuries y cin assessurs.

OSP - Por aconsié le miù poscibl i organisadus dla gara de copa dl monn te Gherdëna sön ci che le tëmp fej él en vëndres y en sabeda n meteorologh dla provinzia sön le post. Implü vëgnel vigni dé fora dal Sorvisc meteo dla Provinzia na previjiun dl tëmp speziala aposta por chësta manifestaziun che s’anüza ince di dac dla staziun meteo te Sëlva.

OSP - I dui museums provinziai ladins é indô daverć da en jöbia, ai 26 de dezëmber inant. Le Museum Ladin Ciastel de Tor a San Martin de Tor informëia sön la storia y la cultura di ladins y tl Museum Ladin Ursus ladinicus impàron da conësce le monn dla laûrs di andri y la storia dles origines dles Dolomites.

OSP - Ince in chësc ann organisëia le Museum Ladin Ciastel de Tor deboriada cun l’Assoziaziun Turistica da San Martin de Tor y l’Uniun dl Sport da San Martin la ormai tradizionala festa de fin dl ann in lönesc ai 30.12.2013 tl areal dl Museum Ladin sön Tor.

USP - Le liber sön la storia di ladins dles Dolomites de Werner Pescosta che é gnü presentè en vëndres, ai 13 de dezëmber a Balsan en presënza dl assessur ladin Florian Mussner, pësa incër cater chili y à indöt 800 plates. Laìte él da ciafé la storia di ladins dles Dolomites dal tëmp dl brom mesan ćina ai tëmps da śëgn cun indöt bëgn 490 fotografies.

OSP - La storia di ladins dles Dolomites é tl zënter de na publicaziun nöia, che vëgn dada fora cun le sostëgn dla Provinzia dal Istitut ladin "Micurà de Rü". Le liber vëgn presentè en vëndres, ai 13 de dezëmber en presënza dl assessur provinzial Florian Mussner a Balsan.

OSP - „Les scores ladines à stlüt jö dër bun pro le stüde PISA 2012 presentè dan da püch, dantadöt de cunc y por ci che reverda la competënza da lì“, s’la conforta l’assessur Florian Mussner.

USP - La jënt da tlo y i sciori po ti ciarè a na cripele particolara dan le palaz provinzial II a Balsan: vis-à-vis dla staziun dla ferata a Balsan, dan la sënta ofiziala dl assessur ladin Florian Mussner él gnü metü sö na cripele de grandëza naturala de dui artisc de Gherdëna.

USP - Nce te Gherdëina vëniel laurà inant per slargë ora la rë dla telecomunicazions provinziela. Tl Ufize Cuestions aministratives dla Repartizion provinziela Frabiches y servisc tecnich ie inier (merdi, ai 19 de nuvëmber) unit dat ora ncëries di lëures per mëter ju la cundotes danter Urtijëi y Sëlva.

LPA - L ciamp Inovazion y consulënza dl Departimënt educazion y cultura ladina à prejentà l terzo liber dla culana "Lingac n cunfront" sun la gramatica dl tudësch, ladin y talian; l liber sun la strutura dla frasa scëmpla ie unit prejentà tla facultà dla scienzes dl’educazion a Persenon.