Atualità

USP – Ndependënza tl’energia, nuzé funtanes de energia nëta y segura, y n cunsum fat cun cë. Chisc ie i ponc zentrei dl pachetl de pruvedimënc prejentà (ncuei) ai 12 de mei dal assessëur Michl Laimer. La Jonta provinziela se à tëut dant truep. Laimer à detlarà che nchin tl 2050 uelen smendrì la produzion de anidrida de carbonium da 5 a 1,5 tones per persona te n ann. 90% dl bujën de energia dëssa unì curì cun energia alternativa.

USP – Tla Talia vëniel tëut demez 19.700 stieres de nsenianc ajache l mancia l finanziamënt publich. Te Südtirol iel stat mesun mantenì 7.996 stieres per l nseniamënt tla scoles elementeres, mesanes y autes, zënza scurté stieres. Tla valedes ladines ulache l ie de pitla scoles, iel per i proscimi trëi ani de scola unì garantì la cumpëida de nsenianc per pudëi pité l nseniamënt te tlasses nce cun manco sculeies.

USP - La Biblioteca provinziala Teßmann y la ciasa edituria Studienverlag inviëia ala presentaziun dl liber „Kulturelles Erbe und Tourismus“, en jöbia, ai 19 de mà dl 2011, dales 8 da sëra ta Biblioteca a Balsan.

USP – La politica europea per l’agricultura dëssa de plu tenì cont di raions da mont, valivé ora svantajes naturei y tò pruvedimënc per alimenteres. Chësc se à Luis Durnwalder sciche portausc dl cumité dla regions damandà (ncuei domesdì) ai 11 de mei a Bruxelles. La pruposta prejenteda tl Parlamënt Europeich ie unida azeteda y unirà data inant ala Cumiscion Europea.

USP – Un di plu vedli mejes documentei te dut l raion dl’Elpes ie te Gherdëina. Chësc ie unì ora da nrescides sun la datazions dendrocronologiches y dal studi sun l’architetura storica che la repartizion provinziela per i monumënc y l Museum de Gherdëina à lascià fé tl cheder di lëures per dé ora la Cherta di Mejes de Gherdëina. L conservator dla Provinzia, Leo Andergassen prejenterà i resultac di studi n vënderdi ai 13 de mei a Urtijëi.

USP - Da n valgun ani incà iel ti luesc plu alauta dl’Engiadina na scola paritetica. Da permò ie i diretëures dla scoles ladines jic a vijité chësta scola per ancunté i respunsabli.

USP – Chisc dis iel sun la stredes dl jëuf de Frea unì scumencià a museré plu avisa l deslivel. Ntan chisc lëures, che ie udui dant nchin ai 20 de mei iel da fé cont che la streda messerà uni tant unì sareda de fin o che l sarà a aspité pra n semafer.

USP – Reprejentanc de 56 nazions che fej pert dl’Organisazion per segurëza y culaburazion tl’Europa (OSZE/OSCE) vën ai 20 de mei aspitei a Bulsan per n seminar sun la posizion dla mendranzes n relazion ala pesc y segurëza. L seminar ie (NCUEI) ai 9 de mei unì prejentà dal presidënt dla delegazion taliana tl’OSCE Riccardo Migliori y dal presidënt dla Provinzia Durnwalder.

USP - La strategia dla Provinzia de Bulsan per stravardé l tlima y l vënder de puscions per finanzië strutures ie stai i doi argumënc de majer nteres che l presidënt dla provinzia à ncuei (9 de mei) prejentà ala stampa riesc do la senteda dla Jonta provinziela.

USP – Alo dl Stat cun si pruvedimënt de stabilità, muessa la Provinzia de Bulsan nchin dl 2015 smendrì 3% dla stieres. Chësc fej ora 555 stieres che aldò dla situazion prejenteda (ncuei) ai 9 de mei tle Jonta provinziela muessa permò unì prugramedes demez.