Atualità

USP – La Jonta provinziela de Bulsan à dat pro na scemplificazion dl scrì ora lëures publics. Sun pruposta dl assessëur Florian Mussner se tratel de pruvedimënc per ti unì ancontra ala firmes de mesura mesana y ala pitla mprejes da tlo. La nuviteies reverda ncëries nchin a 500.000 euro.

USP – Do la prima doi ancuntedes de nfurmazion sun mudazions y nuviteies dla reforma dla scoles autes te Gherdëina, uniral n mierculdi ai 26 de jené jit inant tla Val Badia. Genitores, sculeies y duc nteressei ie nviei domesdì a La Ila y da sëira a S. Martin de Tor.

USP – I criteries de sustëni provinziel per cuatieres soziei a zitadins nia europees ie unic adatei. La Jonta provinziela à te si senteda (da ncuei) ai 17 de jené dat pro de adaté la formula dl cont a na maniera de adurvé i medemi criteries sciche per la jënt da tlo, ma mantenian la doi graduatories spartides.

USP – Per pudëi fé pea cuncorsc de lëures publics sëura na soma de 150.000 euro muessa la firmes avëi la zertificazion SOA (Società Organismo di Attestazioni). Per doi ani à la Provinzia de Bulsan sustenì dassënn la firmes che à ulù fé la zertificazion. Śën iel unì smendrì l cuntribut.

USP – La Jonta provinziela ie stata a una de se mëter adum cun Trënt per fé pert de n program europeich a sustëni de persones che à perdù l lëur.

USP – La Jonta provinziela ti vën ancontra ai privac che ulëssa fé n cuatier ora dl sotët. Sëuraprò al bonus de 200 metri cubich per ressanamënc de vedla cëses sce l vën arjont l livel Cësa tlima “C”, à i assessëures (ncuei) ai 17 de jené dat pro che la cubatura dl sotët fej cont per fé ora n cuatier.

USP – La Jonta provinziela à te si segonda senteda dl ann nuef (ncuei, ai 17 de jené) scumencià a traté la lege urbanistica. Danter la truepa cuestions che dëssa unì reguledes da nuef, à l presidënt Durnwalder prejentà n valgun ponc de referimënt: scemplificazion, pruzedures che va plu debota ma zënza lascé pro speculazion.

USP – N generel ie la Jonta provinziela stat a una cun la pruposta de lege sun l’imigrazion che fova unida adateda do la senteda dl’ena passeda. Dlongia la rejons per zitadins nia europes, dëssel nce unì udù dant miec i duvieres, perchël ie la dezijion definitiva sun chësc dësseni de lege unida spënta ala proscima senteda.

USP – La Jonta provinziela de Bulsan à te si senteda (da ncuei) dl 17 de jené dat pro n barat cun l Stat per giapé puscions. Sciche bele tl cajo dl militer, vëniel nce cun la forzes de polizai cumedà y fat su casermes (una nce a Badia) per giapé dal Stat puscions te de bona lueges.

USP – Ntan si vijita tla provinzia de Bulsan, à l minister belga Oliver Paasch, l’ena passeda deberieda cun l assessëur Mussner analisà pusciblteies nueves per finanzië strutures publiches. L assessëur provinziel a bele nvià via de plu vares per abiné formes inuvatives de finanzië frabiches te tëmps ulache l’aministrazion publica à manco mesuns a desposizion.