Atualità

USP – 42 de 44 sculeies che se à prejentà per l ejam de stat tla scoles autes ladines ie nce passei. La majera pert di candidac à finà via la scola auta cun n resultat danter 71 y 80 ponc. Cun l sistem n fregul nuef, ne iel chëst ann stati deguni che à arjont i 100 ponc. Tla valedes ladines ie me doi sculeies nia passei l ejam de matura.

USP - Danter i sis artisc che metarà fora sües operes tl Museum Ladin en ocajiun dla Trienala Ladina él ince Claus Vittur da La Ila. Ince por la terza ediziun él gnü fat n concurs. Na iuria internazionala à chirì fora i sis artisc che à dè jö la miù idea sön l’argomënt “Tl museum por comuniché…”. Chësc iade presentunse l’artist Claus Vittur.

USP – Ladins ne vif aldidancuei nia me tla valedes ladines ma nce tl Tirol ulache i fova ruvei ntan l tëmp dl’opzion. Canche l assessëur provinziel y regiunel Florian Mussner à prejentà l film “L secul ladin” tl chino Metropol a Dispruch, ala fin de juni, à na gran cumpëida de jënt mustrà gran nteres. La scumenciadiva de documenté la situazion di ladins che ova messù se n jì da si ncësa ie unida tëuta su de bon uedl nce dal assessëura dl Tirol Beate Palfrader.

USP – Tl tunel de Petlin a Urtijëi che ie unì ressanà a na maniera inuvativa, mancel mo vel pitli lëures. Per chësta rejon iel debujën de saré l tunel de nuet da ncuei 6 de lugio nchin ai 9 de lugio. Ai 7 y 8 de lugio iel debujën de n semafer ntan dut l di.

USP – Ai 23 de lugio vëgnel inaudè la terza ediziun dla Trienala Ladina tl Museum Ladin Ciastel de Tor. Barbara Tavella da La Val a davagné le concurs deboriada cun cin d’atri artisc’ dles valades ladines dles Dolomites, di Grijuns y dl Friul. La Trienala Ladina à le fin de ti dè valur ales creaziuns artistiches tl monn ladin, y de ti dè la poscibilité ai artisc’ de se mostrè y de se presentè ala critica.

USP – I argumënc de majer nteres tratei dala Jonta provinziela ai 5 de lugio, reverda la reforma tlinica y raions de produzion te luesc che pierd cumpëida de zitadins. L ie unì dat pro che i dependënc publics ne giapa ntan i proscimi trëi ani plu degun aumënt de paiamënt.

USP – Te si senteda da ncuei (05 lugio) à la Jonta provinziela de Bulsan numinà n cumisser per l Chemun de Corvara che ne ova nia arjont n’acurdanza per mëter su la jonta de chemun. L cumisser ie Heinrich Huber de Rina, che ie nce secreter particuler dl Presidënt dla Provinzia.

USP – Romana Prinoth toca pro i sis artisc’; che metarà fora sües operes pro la Trienala Ladina tl Museum Ladin a San Martin de Tor. Al concurs por la terza ediziun dla Trienala tl Ciastel de Tor à fat para 36 artisc’ dles valades ladines dles Dolomites, di Grijuns y dl Friul. 6 artisc’; metarà fora sü laûrs pro la III Trienala Ladina che gnarà inaudada ai 23 de lugio.

USP – La dezijions dla Jonta provinziela de majer ntres da ncuei (28 juni), prejentedes dal presidënt Luis Durnwalder te cunferënza stampa.

USP – A Urtijëi iel ncuei (26 juni) unì prejentà co che n possa ressané n tunel cun tecniches inuvatives per pité plu segurëza, respet dl ambient, sparanian energia y tl mantenimënt. L assessëur Florian Mussner à pra la vijita di lëures finei tl tunel de Petlin a Urtijëi prejentà l ressanamënt plu inuvativ dla Talia.