Atualità

USP – Dal prosicmo ann de scola (2008/09) possa sculeies y lerneri cun dificulteies de cumprenscion giapé na cualificazion smendrida tla scoles prufescioneles. L unirà metù a jì ejames do criteries adatei ala situazions defrëntes.

USP - Tla sendteda dl guviern Provinziel, n lunesc ai 26 de mei ie danterauter unì dat pro de plu cuntribuc per sustenì la puscibltà de scola y studi. Tl trasport publich ti vënien mo deplu ncontra ala families y ala jënt de tëmp. L mpëni per miuré la forza de compra dla populazion va inant.

USP – Cun na gran festa y truep nteressei ie unì gaiurì la sënta nueva dl Museion, l museum de ert moderna y contemporanea a Bulsan. Cun la strutura nueva ie nce unì fat puenc nueves da jì a pe sëura l ruf dla Talvera. “L Südtirol cëla ala storia ma l uël nce se giaurì al daunì, l Museion ie n var de chësc viers” nscì l presidënt dla provinzia Luis Durnwalder pra la giaurida n sada. Ghest de unëur ie stat l ambolt der Berlin, Klaus Wowereit che à lecurdà che fé nvestimënc tla cultura uël di fé de bon nvestimënc che fej nce crëscer la cumenanza.

USP - L Servisc provinziel de ejams de bi- y trilinguism ie trapinà tla sënta nueva tla, zità vedla, tla streda Perathoner 10 a Bulsan.

USP – Tl’università de Persenon iel (ncuei) vënderdi 23 de mei unì prejentà la gramatica comparativa che reverda l verb. L Istitut Pedagogich Ladin (IPL) à publicà la prima pert de n majer lëur te chël che l vën paredlà la rujeneda ladina cun l tudësch y l talian. L assessëur Florian Mussner à sorissà la mpurtanza di mesuns didatics che juda a fé cunëscer miec la rujendes te nosta provinzia.

USP – Cun na finissage vëniel n dumënia ai 25 de mei stlut ju la mostra dl artist Lois Anvidalfarei tl Museum Ladin Ciastel de Tor. La mainfestazion da sëira ie dedicheda al argumënt dla copies de artisc’; tl cajo de Anvidalfarei y si fëna scritëura Roberta Dapunt.

USP – De mei à l’Orchestra sifonica di jëuni dl Südtriol tenì cun suzes si prim fin dl ena de cunzerc. L segondo sarà ai 31 de mei y ai prim de juni a Stezing y Schlanders per stlù ju nscì l ann 2007/2008. zu seinem beiden Konzerten zum Abschluss des Arbeitsjahres 2007/2008.

USP- 50.000 spetadëures se aspieten n lunesc ai 26 de mei sun Plan de Corones per la tappa dl Giro d’Italia. Per la gran massa de persones che se abina ie nce la Ripartizion provinziela de prutezion zevila n azion. Ëila mët a desposizion si tecnologia de comunicazion y lëura pea tla zëntrela de ntervënt.

USP – Tl daunì puderà i zitadins nce paië la chëutes online, tres computer. Sun ncëria dla Provinzia y dl Cunsorz di chemuns à la “Südtiroler Informatik AG” svilupà n software tres chël che n possa paië la chëutes y straufonghes via homebanking. “Per l zitadin iel na gran sauridanza” nscì l assessëur Hans Berger.

USP – Duman mierculdi, 21 de mei sarà l presidënt dla provinzia Durnwalder ghest dl Bundesrat a Viena, la segonda camera dl parlamënt dl’Austria. Sun nvit dl presidënt dl Bundesrat Helmut Kritzinger rujenerà Durnwalder dla situazion politica y economica dl Südtirol ma nce di raporc danter Bulsan, Viena y Roma.