Atualità
-
Udienzes dl aucat populer
Tl’ena danter l 10 y l 14 de nuvëmber an inó l’ucajion de ji a rujené cun l aucat populer che tën udiënza te plu luesc.
-
Arsen tl’ega da bever – cunvëni ai 14 de nuvëmber
OSP – Sun l arsen tl’ega da bever, i valores dla normativa nueva che va ndrova ai 25 de dezëmber y la scuviertes scentifiches te cuestions de sanità y tratamënt dl’ega se traterala ai 14 de nuvëmber pra n cunvëni dla Ripartizion Provinziela per la sanità, ega y ernergia.
-
Cuntribuc ala uties da Mont
OSP – 12 uties da mont giapa cuntribuc dala Provinzia de Bulsan per lëures de miuramënt y ngrandimënt de si locai. Sun nteressamët dl assessëur per cuestions alpines Werner Frick, à l Guviern Provinziel dat prò cuntribuc de ndut 450.000 Euro a cater uties da mont privates y a ot uties da mont dl CAI, l Club Alpino Italiano.
-
Tla scoles ladines à l 18% fat pea l scioper
OSP - Di 249 nsenianc tla scoles ladines dla Provinzia de Bulsan, ne à 52 ncuei juebia ai 30 de utober, nia laurà fajan pea la protesta generela. La perzetuela che à fat pea a chësc scioper ie de 18 percënt.
-
La streda dla Val Badia davierta ntan Unissant
OSP - La streda dla Val Badia (SS 244) restera davierta da n vënderdi 31de utober nchin a n lunesc da duman ai 3 de utober. Nsci vëniel fat ala savëi dal Servisc Provinziel per l muvimënt sun streda.
-
Sci al miuramënt dl purtoi da podejé a Mareo
OSP - La sgonda Cumiscion Provinziela per la scunanza dla cuntreda à dat pro de plu proiec. Danter chisc i lëures de miuramënt per l bivach pra l troi dl Tirol a Moos tl Passeier, na varianta per la streda dala rodes a Vintl y l purtoi da podejé a Mareo. La cumiscin ne à nia abù da di truep sun l lascé ju material tl Chemun de Innichen.
-
I mandac definitives tl Cunsëi Provinziel
OSP - Ala comunicazion dl Presidënt Luis Durnwalder dl lunesc domesdi ne iel nia plu unì fat mudazions. I 35 mandac tl Cunsëi Provinziel de Bulsan ie bele definitives.
-
Veles provinzieles: 82,46% ie jic a lité
OSP- Bën 82,46% di litadëures ie chëst ann jic a lité l Cunsëi Provinziel de Bulsan. Permez ala veles dan cin ani ie l’afluenza jita zruch dl 3,3 percënt. L Presidënt dla Provinzia Durnwalder se à te na prima reazion mustrà dassenn cuntënt dla partezipazion.
-
Veles provinzieles 2003: nchin la 11.00 danmesdì à lità l 21,2%
OSP- Sëura duta la Provinzia ie nchin la 11 danmesdì l 21,2 percënt di litadëures jic a lité per l cunsëi provinziel de Bulsan.
-
L’autorisazion per nsenië jù lerneri
OSP – Chi che uel nsenië jù lerneri tl Südtirol, adrova nce tl daunì l’autorisazion. Nsci vëniel fat al savëi dal Assessorat per l nsenieamënt di lerneri y per la furmazion di mostri.