Atualità
Les materies scrites por l’ejam de maturité 2006
Les materies dla secunda proa scrita por l’ejam de maturité tles scores ladines é sëgn danman. Te na sentada a Roma ai 25 de jenà 2006 él gnü fat fora ci materies ch’al ti tocarà portè al ejam ai scolars y ales scolares dles scores altes ladines.
Te na sentada a Roma tignida ai 25 de jenà 2006 cun la Ministra dl’Istruziun Letizia Moratti, l’Intendënt ladin Roland Verra y l’Ispetur Lois Ellecosta, él gnü fat fora les materies dla secunda proa scrita dl ejam de maturité por les scores altes ladines. Chësta prozedöra é odüda danfora dales normes d’atuaziun dl Statut d’Autonomia.
I candidać y les candidates dles scores altes ladines podarà fà la pröma proa scrita de cultura generala o por todësch o por talian.
Chëstes é les materies dla secunda proa:
Istitut Tecnich "Igea" (Urtijëi y La Ila): Economia aziendala
Istitut Tecnich “Linguistich-turistich” (Urtijëi): Inglesc o spagnol
Lizeum Linguistich (La Ila): Inglesc o franzesc
Scola d’Ert scoltöra, pitöra, grafica (Urtijëi): Proietaziun
La terza proa scrita é chëra interdisciplinara y vëgn metüda adöm dala comisciun d’ejam.
UV
