Atualità
La ciasa di studënc a Urtijëi deura sües portes da setëmber inant – les iscriziuns vëgn bele tutes sö
USP - “La ciasa di studënc a Urtijëi é arjignada por le 1 de setëmber”, lascia al savëi l’Assessur por la cultura y la scora Florian Mussner. Tles scores altes a Urtijëi pon bele fa domanda do n post.
Da setëmber inant deura la ćiasa di studënć “Assudei” a Urtijëi sües portes. “Por i studënć da foradecà s’à realisé ći ch’ai se dejidrâ bele dî, na infrastrotöra moderna che ti alisirëia a tröć la frecuentaziun dles scores altes a Urtijëi”, dij l’Assessur Florian Mussner. I geniturs di studënć che chîr n post tla ćiasa di studënć, po s’informè tles scores altes a Urtijëi, olach’an ciafa i formulars d’iscriziun.La ćiasa di studënć “Assudei” tla strada Sotria a Urtijëi ne n’é nia dalunc dala scora mesana, dala scora d’ert y dal Istitut tecnich comerzial. La ćiasa cun sües 16 ćiamenes da dui y 5 ćiamenes da un n let ti pîta alberch a 32 studënć y a cin maestri, maestres. Implü él na mensa por 70 porsones y deplü locai de comunanza.
SAN
