Atualità
L assessëur Mussner: “Per cie che reverda la scola saral inant de bujën de rujené ”
USP - “La reazion di nseninac y dla nseniantes ala reforma tla scola elementera y mesana unirà tëuta n cunsciderazion, ënghe sce l unirà jit inant te chësta direzion”, dij l assessëur Mussner che tol pusizion al straich da inier di nsenianc y dla nseniantes. Śën vala de crì l dialogh.
Aldò dl assessëur Florian Mussner, ti ie la Jonta provinziela jita dassën ancontra ai nsenianc y ala nseniantes straichan ora i majeri ponc de critica dala delibra dla reforma. La seves dla reforma ne daussa aldò dl assessëur nia unì arzichedes. “Duta la mudazions ie per l bën de nosc sculeies y de nosta sculées; i prinzips de ndividualisazion y deferenzazion vën nce adotei te d’autri Paejes europeics y ie dessegur de utl per la furmazion de nosc mutons” nsci l assessëur. “La pruposta de lege de reforma dla scola elementera y mesana ie unida data ora a duta la scoles bele dan Nadel, ulache duc à pudù fé prupostes che vën mo valutedes a livel tecnich. N cialerà de tò su i prinzips de autonomia dla scoles y la prupostes di nsenianc y dla families per garantì na reforma che vede bën per l daunì. Nëus jiron inant a crì l dialogh cun i nsenianc ajache mé adum sarons boni de ruvé pra na soluzion.”
USP
