Atualità
Laimer à presentè incö, ai 03 de mà, les novitês dl Ofize Parcs naturai por i mituns
Daksy, le tass, acompagnarà da sëgn inant i mituns de Südtirol fora por i parcs naturai. An pò jì a ciafè la mascota tla plata web www.provinz.bz.it/daksy y tl sföi por mituns. Chëstes novitês é gnüdes presentades incö dal Assessur por l’ambiënt Michl Laimer.
“NaturParkKids” é l’inom de na scina nöia d’informaziuns di parcs naturai de Südtirol. Ara s’adressëia ai mituns cun na plata web nöia, n sföi d’informaziuns y na sfilza de pesć. L’Assessur Michl Laimer, che à presentè chësta scomenciadia, dij: “I mituns impara insciö da respetè y da ti orëi bun a nosc ambiënt y ala natöra.”
L’Ofize Parcs naturai à presentè les novitês suandëntes: la plata web www.provinz.bz.it/daksy olache i mituns incunta le tass Daksy che i acompagnëia fora por i parcs naturai de Südtirol.
Daksy é inće le protagonist dl sföi por mituns “I descuriun i parcs naturai cun Daksy” che é gnü dè fora por todësch, talian y ladin. Le sföi é da ciafè debann tles ćiases di parcs naturai o sön Internet. Por stlü jö él inće gnü presentè na sfilza de pesć, che gnarà partis fora en gaujiun de olimpiades dla natöra, escursciuns cun n quiz y te d’atres manifestaziuns dl Ofize Parcs naturai.
USP
