Atualità

Scora / Cultura | 23.01.2008 | 12:44

Sostëgn ala cultura - Domandes de contribuc por la cultura ladina por l’ann 2008

USP - Le Assessur ladin Florian Mussner adöm cun la Consulta culturala provinziala por le grup linguistich ladin recorda che les domandes por n contribut provinzial por ativitês culturales, por artistes y artisc, ativitè de formaziun en general, mëss gnì dades jö anter i 31 de jenà 2008 Les domandes por contribuc por investimënc culturai po gnì fates tratan döt l’ann.

nće chëst ann el la poscibilitè da de jö les domandes por n contribut cultural tles valades ladines, diretamënter a n colaboradu/dëssa dl Ofize Scola y Cultura Ladina, insciö da podëi inće domané infurmaziuns.

Les domandes po gní dades jö te i dis e les sëntes sot elencades:

Gherdëna: 24.01.2008 Comun de S. Crestina, dales 16.30 ales 19.00

Val Badia: 25.01.2008 Comun de Badia, dales 16.30 ales 19.00               

Les domandes po sambëgn inće gnì ortiades por posta ala Provinzia Autonoma de Balsan-Südtirol, Ofize cultura y scora ladina, Bindergasse 29, 39100 Balsan.

I formulars dles domandes é da ciafè ala adressa web www.provinz.bz.it/cultura-ladina o tl Ofize cultura y scora ladina, Tel. 0471-417020/10.

USP