Atualità
Cuncors leterer „Autëures ladins scrij..."
USP - Ueia de scrì, de vester criatifs y de Ve museré cun i autri? I lëures possen dé ju pra l Ufize Cultura ladina nchin ai 31 de jené 2008!
L assessëur Florian Mussner lecorda che i lëures de prosa, drama o lirica (almanco 5 poejies) possa unì dac ju tl ufize cultura ladina (streda Binder 29, 39100 Bulsan) o possa unì mandei ite per posta. Tò pert al cuncors possa duc chëi che à cumplì i 18 ani. L vën fat doi categories: na sezion per i jëuni (dai 18 ai 30 ani) y na sezion per chëi sëura i 30 ani. Da vëncer iel per uni categoria n pest de 3.000,00 Euro. I lëures scric per Gherdëina o ladin dla Val Badia ie da dé ju al plu tert ai 31 de jené 2008, juebia grassa, dala 12.00. Nia azetà vëniel lëures bel publichei, tesć scientifics, teses de laurea y copies de operes bel publichedes te d’autra rujenedes. Nfurmazions plu avisa iel da giapé tl Ufize cultura y scola ladina Tel. 0471/41 70 20 o 0471/41 70 21 o tres e-mail a alexander.piccolruaz@provinz.bz.it / barbara.perathoner@provinz.bz.it.
USP
