Atualità
Giaurida tl Museum Ladin
AS - Ncuei juebia domesdì vëniel tl Museum Ladin a San Martin de Tor giaurì la mostra de dessënies de sculeies. L tai dla vëta dla mostra dedicheda al argumënt “mëndri dl museum” unirà tenì dala doi domesdi dal assessëur ladin Florian Mussner.
Ntëur 300 dessenies di mëdri sculeies ladins, chëi dla scolines sarà da udëi nchin ai 29 de mei tl Museum Ladin tl Ciastel de Tor a San Martin. Chësta mostra dëssa vester n troi sun chël che i mëndri arjonj plu saurì l museum. Si lëures giata per i proscimi dis la mpurtanza di auti pec metui ora.
La mostra de dessenies vën giaurida ncuei juebia ai 15 de mei dala 14.00 dal assessëur ladin Florian Mussner. Te chësta ucajion uniral nce adalerch l presidënt di museums provinziei Bruno Hosp y si vizepresidënt Heinrich Huber, la diretëura dla scolines ladines Edith Ploner, l presidënt dla Union maestri ladins Iaco Frontull cun l artist y curator dla mostra Lois Irsara.
AS
