Atualità
Finissage de Anvidalfarei, ai 25 de mei tl Museum Ladin
USP – Cun na finissage vëniel n dumënia ai 25 de mei stlut ju la mostra dl artist Lois Anvidalfarei tl Museum Ladin Ciastel de Tor. La mainfestazion da sëira ie dedicheda al argumënt dla copies de artisc'; tl cajo de Anvidalfarei y si fëna scritëura Roberta Dapunt.
Do l’esprescions artistiches desvalives iel daniëura animes creatives. Cie suzedel pa sce doi de chëstes ie cumpanies per la vita? La giornalista Nina Schröder ti va do a chësc cajo de setimënc, ert y creatività deberieda cun l artist Lois Anvidalfarei y si fëna Roberta Dapunt.
La manifestazion per stlù ju la mostra scumëncia n dumënia ai 25 de mei dala 6 da sëira tl Museum Ladin.
La mostra de Anvidalfarei à desciedà l nteres de passa mile vijitadëures tl Museum Ladin. La scultures de bront y i dessënies dl artist Anvidalfarei ie me plu da udëi nchin dumënia ai 25 de mei Museum Ladin, dedite y ala lergia.
La mostra ie una dla scumënciadives che l Museum Ladin à cris ora per ji plu sot al argumënt dl bront, argumënt zentrel per l ann 2008. N uël mustré su la defrënta manieres artistiches de lauré chësc mitel, cun n pëis particuler al’ert de nosc tëmp.
as
