Atualità
Ejames dla scoles mesanes ai 17 de juni
USP – I ejames dla scoles mesanes scumëncia ai 17 de juni. Chësc ie unì fat al savëi n lunesc sëira do che l minister per l nseniamënt à mandà ora la dates de ejam per la scoles mesanes.
N merdi ai 17 de juni ie l prim di che la se trata per i sculeies dla terza tlasses dla scoles mesanes. La data ie sën segura do che n minova de messei fé i ejames plu abenëura per via de veles te deplu regions dla Talia.
La nuvità dl ejam scrit statel tla materies conc y rujeneda ie per duc i candidac unfant per pudëi pona l paredlé. Tla materia conc ie da respuender a feter 20 dumandes y duvieres. N cont dla rujeneda iel da respuender a 15 dumandes sun n test metù dant cun sëurapro vel dumanda de gramatica. Pra gran pert dla dumandes iel da crì ora danter cater respostes. I sculeies giapa n ëura de tëmp per fé i duvieres y respuender ala dumandes.
La cumiscion cumëda i lëures sun na basa metuda dant ti dajan na valutazion che vel per la nota generela de dut l ejam dla scola mesana. I resultac dl ejam statel unirà madei ala ntendënza y ala minister per l nseniamënt che fajerà na valutazion comparativa.
as
