Atualità
Film sun les viles – ai 19 de setëmber tla televijion
USP – La Viles dla val Badia vën prejentedes te na produzion televijiva che sarà da udëi n vënderdi ai 19 de setëmber sun la RAI de Bulsan. L Assessorat Ladin uel sensibilisé n cont dl gran valor dla viles.
La viles ie na particularità unica tla Val Badia. Nasciudes per sparanië lerch y svilupedes ti centeneies, ales purtà a n stil de vita per se. Na grupa de cëses y tublei de patrons defrënc forma na cumenanza che vif sun rives nia saurì da ruvé permez: chëstes ie la viles dla val Badia. La viles mostra al didancuei mo su formes romaniches y gotiches, les cumporta na richëza culturela architetonica de gran valor. Viver ora dl luech, cun puecia lerch y cun n pëis finanziel aldò per les mantenì, cumporta dificulteies per i patrons. Śën iel pericul che la jënt vede a sté ti zëntri dla valeda y lascia la viles.
L Assessorat Ladin à metù a jì n pest per sustenì y valorisé patrons che à fat lëures de mantenimënt. La sensibilisazion per l gran valor dla viles dëssa nce unì a se l dé tres n film. La produzion televijiva fata sun ncëria dl Assessorat Ladin y dla Rai de Bulsan prejënta chësta richëza dla Val Badia. Te 30 menuc à l architeta Helga von Aufscheiter y l produzënt Helmuth Lechthaler fat n cheder dla situazion atuela.
L film sun la viles dla val Badia ie da udëi n vënderdi ai 19 de setëmber dala 20.50 sun la RAI de Bulsan.
as
