Atualità
Crëujes de merit
USP – 38 persones che ie states atives de te plu ciamps soziei, dala cultura ala religion, politica o economia ie unides uneredes n dumënia, 21 de setëmber tl ciastel Tirol, sëura Maran. La crëusc de merit à nce pudù pië do Ida Sorarui Lardschneider, la sëula reprejentanta dla grupa de rujeneda ladina.
I presidënc de Südtirol y Tirol à n dumënia sëurandat la crëujes de merit, la segonda majera uneranza che l’aministrazions dà ora. Chëst ann iel unì unerà 38 persones che se à dat ju per la cumenanza te ciamps defrënc. La uneranza dëssa vester n sëni de recunescënza per l mpëni de viers dla populazion.
Ida Sorarui Lardschneider de Urtijëi se à dat ju ani tl ciamp soziel cialan daniëura di plu dëibli dla cumenanza. Danter duc i unerei ie ëila chëst ann stata la sëula reprejentanta dla grupa de rujeneda ladina. Dal an 1979 inant ie Ida Sorarui Lardschneider stata 19 ani presidënta dla “Lebenshilfe”. Nchin al ann 2000 iela stata diesc ani assessëura al soziel tl Chemun de Urtijëi. Tres si mpëni iel a Urtijëi unì metù su l prim servisc soziel dl Südtirol. Dal 1999 iel Ida Sorarui Lardschneider presidënta dla Lia tët dla Lies sozieles dl Südtirol.
as
