Atualità
Cherta cun nfrastrutures contra meldefuech tl bosch
USP – Ulà taché ite l’ega, ulà che possa dé sëura l joler ulà iel pa n lech cun ega da destudé fuech: canche i destudafuech muessa fé n ntervënt tl bosch, puderai damoinla se judé cun na cherta digitela ulache n possa udëi la nfrastrutures. L Ufize provinziel per la planificazion di bòsc mët a desposizion ne nueva generazion de chertes per l ntervënt ti bòsc.
Duta la grupes de destudafuech dl Südtirol, respunsabli di raions, i destudafuech prufesciunei, i ispetorac y la stazions dla forestela giapa chisc dis la nueva chertes de ntervënt ti bosc de si raion. La repartizion provinziela per i bòsc y i destudafuech à scrit su duta la nfrastrutures de utl per n ntervënt de meldefuech tl bosch y à fat na cherta digitela.
Cie che cumporta a fé na tel cherta desmostra di dac repurtei. Sun la cherta iel 896 lec cun ega da destudé cun la mesura y nfurmazions de utl, 8995 idranc, 2041 lueges ulache n pudëssa tò ega cun na pumpa, 1016 lueges da dé sëura cun l joler y 1153 resservares dal’ega.
“Dajon ora la chertes digiteles sun CD, da tlo possen nce la stampé ora n toch al iede a na maniera che les sibe saurides da liejer” nsci vëniel sorissà tla repartizion provinziela per i bòsc. Sun la cherta possen nce udëi la spersa dl bosch, la stredes y i troies o la sëides che possa vester de utl ai destudafuech per l’urientamënt.
as
